-Մեր երկիրն էս է՞, հա՞ տատի
Նկարած այս պլակատին`
Վառ ու պայծառ, լի գույներով,
Որ ցույց են տալիս Հ1-ով,
-Հա բալես, էս է, որ կա,
Հիտլեր Խաչիկը վկա,
Բայց էսօր էդ օրը չի,
Պառակտիչը թող կորչի,
-Տատի՛, տատի՛, թերթերում
Կարդացի, որ բերդերում
Անմեղ տղերք են նստած,
Էդ էլ է հա՞ հորինած,
-Հորինած է, բա ի՞նչ է,
Դրանք սաղ պառակտիչ են
Ու ազգը մեր կկորչի,
Թե մեջք չլնենք Ազատիչին,
-Տա՛տ, ասում են մենք աղքատ,
Մուկը գցել է պալատ
Էդ էլ հո ես եմ տեսել,
Երբ որ տարար կառուսել,
-Այ բալա՜, բա ի՞նչ անի
Դուրսը հազար թշնամի,
Մի ծածկ է պետք ապահով
Մեր գլխին էդ մտածող:
Քյոլում էր թոռանը քյալ
Տատին ընտրակեղծարար,
Որ մյուս ընտրության տարին
Տասհազար էլ տան բալին:
